تنبیہات سلسلہ نمبر 2: حضرت ابوبکر صدیق رضی اللہ عنہ کا ٹاٹ کا لباس پہننا


تنبیہات سلسلہ نمبر 2

حضرت ابوبکر صدیق رضی اللہ عنہ کا ٹاٹ کا لباس پہننا

سوال :ایک مشہور واقعہ بیان کیا جاتا ہے کہ حضرت ابوبکر صدیق رضی اللہ عنه نے ٹاٹ کا لباس پہنا تو ان پر اللہ تعالی کی طرف سے سلام آیا اور کہا گیا کہ ابوبکر سے پوچھو کہ وہ مجھ سے راضی ہے یا نہیں ...کیا یہ واقعہ درست ہے؟
الجواب باسمه تعالی
مذکورہ واقعہ اگرچہ کافی مشہور ہے لیکن یہ روایت سند کے لحاظ سے درست نہیں.
امام ذہبی نے "میزان الاعتدال" میں اس واقعے کے راوی العلاء بن عمرو الحنفی الکوفی کے تذکرے میں اس روایت کو نقل کرکے اس واقعے پر جھوٹا ہونے کا حکم لگایا اور اس راوی کو بھی متروک قرار دیا ہے.
وفي "ميزان الإعتدال" للحافظ الذهبي (5/128): عمر بن حفص السياري حدثنا العلاء بن عمرو عن أبي إسحاق الفزاري عن سفيان عن آدم بن علي عن ابن عمر قال بينما النبي صلى الله عليه وسلم جالس وعنده أبوبكر عليه عباء قد خللها على صدره بخلال إذ نزل جبرائيل فأقرأه من الله السلام وقال: مالي أرى أبابكر عليه عباء قد خللها قال: ياجبرائيل! أنفق ماله علي؛ قال: فأقرئه من الله السلام؛ وقل له: يقول لك ربك: أراض أنت عني في فقرك أم ساخط؟ وذكر الحديث... وهو كذب.
اسی طرح حافظ عراقی نے بھی امام ذہبی کے قول کو نقل کیا ہے.
وقال الحافظ العراقي في تخريج الإحياء:
حديث ابن عمر: "بينما رسول الله صلى الله عليه وسلم جالس وعنده أبوبكر وعليه عباءة قد خللها على صدره بخلال إذ نزل جبريل عليه السلام فأقرأه عن الله السلام وقال له: يارسول الله! ما لي أرى أبابكر عليه عباءة قد خللها على صدره بخلال؟ فقال: أنفق ماله علي قبل الفتح، قال: فأقرئه من الله السلام وقل له: يقول لك ربك: أراض أنت عني في فقرك هذا أم ساخط؟ قال: فالتفت النبي صلى الله عليه وسلم إلى أبي بكر وقال: يا أبابكر! هذا جبريل يقرئك السلام من الله ويقول: أراض أنت عني في فقرك هذا أم ساخط؟ قال: فبكى أبوبكر رضي الله عنه وقال:  أ على ربي أسخط؟ أنا عن ربي راض".
أخرجه ابن حبان والعقيلي في الضعفاء.
قال الذهبي في الميزان: هو كذب.
ابن حبان فرماتے ہیں کہ علاء بن عمرو ایسی روایات نقل کرتا ہے جو بےدلیل اور بےاصل ہوتی ہیں.
وقال ابن حبان في المجروحين (ج:2، ص:185): العلاء بن عمرو شيخ يروي عن أبي إسحاق الفزاري العجائب لا يجوز الاحتجاج به بحال.
خلاصہ کلام
یہ واقعہ صحیح سند سے کہیں بھی منقول نہیں،  لہذا اس کی نسبت آپ علیہ السلام کی طرف کرنا درست نہیں.
واللہ اعلم بالصواب
مارچ  ٢٠١٧

Comments

Post a Comment

Popular posts from this blog

تنبیہات سلسلہ نمبر 17: یوسف علیہ السلام اور زلیخا کی شادی

تنبیہات سلسلہ نمبر 17 یوسف علیہ السلام اور زلیخا کی شادی سوال: قرآن حکیم نے سورہ یوسف میں حضرت یوسف علیہ السلام کا واقعہ ذکر فرمایا ہے وہیں پر *"امرأة العزيز"* کا ذکر بھی ملتا ہے، لیکن یہ خاتون کون تھی، اس کا نام کیا تھا اور اس کا یوسف علیہ السلام سے جو رشتہ ذکر کیا جاتا ہے اس کے متعلق قرآن وحدیث میں کیا ملتا ہے؟ جبکہ اس متعلق مختلف تفاسیر اور کتابوں میں اس قدر واقعات ملتے ہیں کہ صحیح اور غلط کا فیصلہ کرنا مشکل ہوجاتا ہے... برائے مہربانی تسلی بخش جواب عنایت فرمائیں... الجواب باسمه تعالی قرآن مجید اور احادیث مطہرہ میں جس قدر بیان موجود ہے اس کو ماننا اور اس کی تصدیق کرنا ہر مسلمان پر فرض ہے اور جو باتیں قرآن و حدیث میں موجود نہیں اس کا تسلیم کرنا بھی ضروری نہیں بلکہ اس کا صحیح ہونا بھی سند کے درست ہونے پر موقوف ہوتا ہے۔ تاریخی کتب میں زلیخا کا تذکرہ: ·        زلیخا کا نام : "زلیخا" عزیز مصر توطیفار یا پوتیفار کی زوجہ کا نام ہے جو مصر کی ساکنہ تھی، اور روایات کے مطابق بےاولاد تھی اس لئے کہ شوہر نامرد تھا، اور مصر کے ملک میں چونکہ اس وقت بت ...
Read more

تنبیہات سلسلہ نمبر 12: خاتمہ بالخير کا عجیب نسخہ

تنبیہات سلسلہ نمبر 12 خاتمہ بالخير کا عجیب نسخہ سوال: حکیم الامت حضرت مولانا اشرف علی تهانوی صاحب رحمة الله عليه سے کسی نے پوچھا کہ ایمان پر خاتمہ کا کامیاب نسخہ بتلائیے تو انہوں نے فرمایا:   "مراقی الفلاح"   (جو فقہ کی مشہور و معروف کتاب ہے اس) میں ایک حدیث ہے :   قال ﷺ : من صلى ركعتي الفجر (اي سنته) في بيته يوسع له في رزقه ويقل المنازع بينه وبين اهله ويختم له بالايمان.   (مراقي الفلاح؛ شرح نور الايضاح، ص: 111)   ترجم ہ: حضور اکرم ﷺ نے ارشاد فرمایا کہ جو شخص فجر کی دو رکعت سنت اپنے گھر میں پڑہے تو اس کے رزق میں وسعت کردی جائےگی، اور اسکے اور اسکے گھر والوں میں جھگڑے کم ہوجائیں گے اور اس کا خاتمہ ایمان پر ہوگا. (حوالہ: رسالہ سہ ماہی حکیم الامت، صفحه نمبر: ١١) الجواب باسمه تعالی واضح رہے کہ "مراقی الفلاح"   فقہ کی کتاب ہے، لہذا کسی بھی فقہ کی کتاب میں کسی روایت کا موجود ہونا بطور حوالہ کافی نہیں ہوتا، بلکہ حدیث کی کسی مستند کتاب میں اس روایت کا موجود ہونا ضروری ہے. روایت کا درجہ اور حکم: یہ روایت احادیث کی کسی مستند کتاب میں موجود نہیں....
Read more

تنبیہات سلسلہ نمبر 8 : حضرت علی اور اونٹنی کا قصہ

تنبیہات سلسلہ نمبر 8 حضرت علی اور اونٹنی کا قصہ سوال: ایک واقعہ کثرت سے سوشل میڈیا پر نشر کیا جارہا ہے کہ حضرت علی رضی اللہ عنہ گھر سے باہر تشریف لائے اور حضرت فاطمہ رضی اللہ عنہا نے سوت دیا کہ اسکو بازار میں فروخت کرکے آٹا لے آئیں کہ گھر میں کئی دنوں سے فاقہ ہے، حضرت علی نے چھ درہم میں وہ فروخت کردیا، اتنے میں ایک سائل نے اللہ کے نام کی صدا لگائی تو حضرت علی نے وہ چھ درہم اس سائل کو دے دیئے اور آپ خالی ہاتھ لوٹنے لگے تو راستے میں ایک دیہاتی ملا جس کے پاس ایک موٹی اونٹنی تھی،   اس اعرابی نے کہا کہ آپ اس اونٹنی کو خریدینگے؟   تو حضرت علی نے قیمت پاس نہ ہونے کا عذر کیا تو اعرابی نے وہ اونٹنی حضرت علی کو ادھار دےدی، تھوڑی دیر بعد ایک اور شخص آیا اور اونٹنی کو ساٹھ درہم نفع پر خرید لیا،   حضرت علی نے پہلے دیہاتی کو اسکے دراہم لوٹائے اور آپ رضی اللہ عنہ کو ساٹھ دراہم کا نفع ہوا،   جب آپ علیہ السلام کو واقعہ سنایا تو آپ علیہ السلام نے فرمایا کہ پہلا دیہاتی جبریل تھے اور خریدار میکائیل تھے اور آپ نے چھ دراہم اللہ کیلئے خرچ کئے تو اسکا بدلہ اللہ تعالٰی نے دس گنا لوٹا ...
Read more